நான் வருவேன் என நீ காத்திருந்தாய்,மருத்துவமனை வாசலில்...
நானும் வந்தேன், பத்து மாதத்தில்--உன்னை ஏமாற்றாமல்!
நான் வருவேன் என நீ காத்திருந்தாய்,
என் பள்ளி வளாகத்தில்...
நானும் வந்தேன், பள்ளிப்படிப்போடு--உன்னை ஏமாற்றாமல்!
நான் வருவேன் என நீ காத்திருந்தாய்,
என் கல்லூரி பேருந்து நிறுத்தத்தில்...
நானும் வந்தேன் கல்லூரி களிப்போடு--உன்னை ஏமாற்றாமல்!
நான் வருவேன் என நீ காத்திருந்தாய்,
என் அலுவலக வாசலில்...
நானும் வந்தேன் வேலைக் களைப்போடு--உன்னை ஏமாற்றாமல்!
இதுவரை எனக்காக மட்டுமே காத்திருந்த நீ,
வருவாய் என காத்திருக்கிறேன்,
உன் நினைவுகளோடு......
வருவாயா அப்பா--என்னை ஏமாற்றாமல்!
என் கனவுகளோடு.....குறிப்பு: உரையாடல் கவிதை போட்டிக்காக
